رحلة الالف ميل عمرها ما هتكمل الا بخطوات مستديمة …عفوا لاو تزو

تخيل انك صحيت من النوم و قلت لنفسك انك عايز تبقى خبير عالمي في ميكانيكا الكم في خلال شهر و انت متعرفش اي حاجة عن المجال

ده ! فبدأت تشتغل بكل حماس و بعد الشهر لاقيت انك موصلتش لحاجة ذات اهمية، احتمال كبير انك تيأس من الموضوع و تنسحب !

upanga
الفيلسوف الصيني لاو تزو

طب تخيل انك صحيت و قلت لنفسك انك في خلال شهر هتتعرف على مجال ميكانيكا الكم و تحدد خط سيرك عشان توصل لأنك تكون خبير فيه، و بعد ما عرفت خط سيرك بدأت تحدد لنفسك مجموعة اهداف تحققها كل شهر جي على مدار فترة بعدها تقدر توصل للي انت عايزه .

تفتكر انهي approach افضل ؟

مش بالكم .. لكن بالمداومة !

t-eq

 

ممكن تكون سمعت عن المعادلتين دول و عن معناهم ..المعادلتين تقدر تفسرهم باكتر من تفسير، لو فرضنا ان الرقم اللي في الاساس ده بيعبر عنك انتَ ومجهودك اللي بتبذله في سبيل انك توصل او تتعلم اي حاجة جديدة .. و الأُس هو الايام اللي بتبذل المجهود ده خلاله . فمثلا لو بذلت مجهود ايجابي ولو حتى بقيمة 0.01 على مدار الـ 365 يوم بتوع السنة .. بتلاقي في outcome طلعلك و مقداره 37.8 .. لكن لو بذلت مجهود سلبي ولو حتى بقيمة 0.01 ، هتلاقي ان الـ outcome قل بشكل رهيب جدا لـ 0.03 ..

اكيد لاحظت النقطة الفاصلة .. فرق بسيط جدا جدا في اتجاه المجهود و مقداره لكن على مدار فترة طويلة و اللي هي السنة .. عمل فرق مهول في الناتج، و الارقام تتكلم. فبالتالي نقدر نعدل مقولة الفيلسوف لاو تزو من “رحلة الالف ميل تبدأ بخطوة ” الى ” رحلة الألف ميل لن تكتمل الا بخطوات مستديمة “.اوعى تستسهل و تنط !

موضع المجهود اهم من المجهود !
طب تفتكر انهي فضلك ؟ انك توجه مجهودك في مكان واحد فقط و تكرسله حياتك كلها ؟
ولا المجال ده تديله نسبة كبيرة من مجهودك و توفر باقي طاقتك لمجالات و اهتمامات تانية ؟

what-is-t

التجربة و سوق العمل اثبتت ان الاجابة التانية بنسبة كبيرة هي الاصحّ .. و الشخص اللي بيتبع الاجابة التانية ده بيتقال عليه T-Shaped Person .. او شخص بمعرفة على شكل حرف الـ T . اما الشخص الاول اسمه شخص بمعرفة على شكل الـ I .. و تقدر بعينك تحدد الفرق. و احد منهم عنده بعد واحد و هو البُعد رأسي (I) و التاني عنده بُعدين :رأسي و افقي (T). وهي انك تكون قوي فى مجالك الأساس وهو دا بعدك الرأسي بجانب انك يكون عندك المعرفة الاساسي المتعلقة بكل الجوانب اللي بتحتك فيها فى مجالك.

الوصفة السحرية !
خطوات صغيرة على مدى طويل تخلق ناتج محترم و تقدر تحافظ عليه .. اختيارك لموضع تأثير مجهودك اهم بكتير من مجرد بذل المجهود .. متركزش مجهودك في حاجة واحدة بس طول حياتك .. اهتم بمجال اساسي و اديه جزء كبير من مجهودك .. وزع باقي المجهود على اكتر من مجال و اهتمام تانيين .. الناتج هيكون تحسن ملحوظ في بُعديك و انسان على شكل الـ T .

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s