هتضطرتسافر المريخ كمان كام سنة ؟

تفتكر كوكب الارض هيفضل مستحملنا كتير ؟
ثقب الاوزون و حرائق الغابات و الاحتباس الحراري هيجيبوا اجل الكوكب قريب ؟
عشان منضطرش نسيب كوكبنا و ندور على كوكب تاني لازم نحافظ عليه ككوب مستديم .. او Sustainable !

طبقا لإحصائية نشرتها وكالة Corporate Knights .. شركة BMW هي اكتر شركة مُستديمة (Sustainable) في 2016 !
شركة BMW خلال السنة دي حققت درجات عالية في نقطة مُحددة من تقييم الاستدامة و هو “الاستخدام الفعال للمياه و الطاقة و انعدام المخلفات” .. قدرت تفهم يعني ايه استدامة او sustainability ؟

BMW-logo+1.jpg

امتى تحصل على لقب “مُستديم” ؟
تخيل كوكب الارض ! عشان نقول ان كوكب الارض مُستديم لازم يحقق شرط معين .. و هو ان الكوكب يفضل دايما يحقق المطلوب منه بالجودة المطلوبة منه، يعني طول ما الكوكب بيمدنا بالاكسجين اللي بنتنفسه و المياه و الضروريات البايولوجيا، نقدرنقول ان الكوكب مستديم، لكن يحصل ثقب في الاوزون، فاحتباس حراري، فحرائق غابات، فخلل في نسب الاوكسجين، هنا الكوكب بيخرج من حيز الـ sustainability و لازم نحاول نرجعه للطريق المظبوط لكونه نظام مُستديم.

تعريف تاني بيوصف الاستدامة انها ببساطة الـ (الاتزان) او القدرة على ابقاء او استدامة الشيء ، و ده تقدر تفهمه من مجرد المصطلحح، يعني شركة BMW قدرت تستخدم المياه و الطاقة باسلوب معين خلاها تقلل الهدر عن غيرها من الشركات فابالتالي تحافظ على مخزون المياه عامة و تقلل من المخلفات .

ازاي اقدر اعمل Business يكون Sustainable؟
في 3 اعمدة للـ Sustainability لو قدرت تحققهم و تحافظ عليهم يبقى وصلت لـ sustainable system ، و لو اي عمود من التلاتة ضعف، يبقى للأسف انت قدام unsustainable System ..

العمود الاول هو العمود البيئي .. يمكن العمود ده بياخد اكبر اهتمام دلوقت، زي مثلا تقليل اثار الكاربون الناتجة من الصناعات، او الـ Carbon footprint reduction . المثير ان اصحاب الشركات الكبيرة شافوا ان باهتمامهم بالعمود ده و تقليل الـ waste اللي ممكن تأثر على البيئة، ده بيرجع عليهم بفوائد مالية، و ده لأنهم بقوا يستهلكوا material اقل و بكميات مُحددة جدا عشان يقللوا الفاقد .

ThreePillars_ArchitecturalSimple_Large.png

العمود التاني هو العمود الاجتماعي. عشان الـ business بتاعك يكون sustainable لازم دايما يكون موظفينك و الـ stakeholders (كل اللي بيستفيديوا و بيتأثروا منك و بيك) و المجتمع ككل معاك و بيدعموا الصناعة بتاعتك، و طبعا ده مش هتوصله الا لو عاملت موظفينك بشكل كويس و وفرتلهم حقوقهم، و كمان تعامل المجتمع اللي حواليك باحترام و اهتمام و تحاول انك متسببلهمش اي تأثير سلبي .

العمود التالت هو العمود الاقتصادي .. يمكن ده العمود اللي معظم الشركات مُقتنعة بيه جدا و متفاهمة معاه اوي، لأن عشان الـ business بتاعك يكون مُستديم، الـ business ده لازم يكون دايما مُربح، و لو طبقت العمودين اللي فاتوا بشكل سليم، هتلاقي العمود ده بيتحقق لوحده .

لو انت حابب تسافر المريخ و تسيب الارض وراك .. متهتمش بالمقال ده !

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s