شايف نفسك فين بعد … ؟

السؤال ده بيخليك تفكر في طريقة سير حياتك لغاية دلوقتي، وهل الطريقة دي بتحقق هدفك اللي عايش عشانه ولا لأ، وهل انت عارف اصلا هدفك كويس وحاطط له خطة منطقية عشان تنفذه، ولا بتحلم و بس ؟

زي ما انت بتسأل نفسك الاسئلة دي، اي مؤسسة ايا كان هدفها بتسأل نفسها : هل الطريقة اللي ماشيين بيها فعالة ؟ هل القيمة اللي بقدمها تقدر تستمر؟ ولو هتستمر، ممكن تكمل لغاية امتي ؟ ولو مش هتستمر، ايه القيمة الجديدة اللي هقدمها او ازاي هحيي القيمة الاولى ؟

عشان كده فيه حاجة اسمها الـ process development .

هو يعني ايه process اصلا ؟
الـ process هي مجموعة من الـ Tasks او المهام، و اللي بتكون مرتبطة ببعض و بتنتهي عند تسليم القيمة اللي بتقدمها الـ organization في مقابل قيمة تانية بتكتسبها.

اي منظمة في الدنيا بيبقي فيها مجموعة business processes شائعة عشان تطلع الـ output المطلوب، بس لاسباب كتير (من ضمنها عدم مراقبة سير العمل بشكل شامل او الاخطاء البشرية او صعوبة التواصل بين الادارات)، الـ processes دي بيظهر فيها عيوب، زي انها تكون بطيئة او مش فعالة كفاية او غير دقيقة او زيادة عن المطلوب !

ازاي ممكن اتعامل مع المشاكل دي ؟
من اكتر الطرق الفعالة في حل المشاكل دي هي الـ  BPM او Business Process Management، لو اعتبرنا الـ business موتور مثلا، فالـ BPM هو الصيانة اللي بعملها لكل حتة في الموتور عشان يشتغل باعلي كفاءة.

BPM.png

الـ BPM هي عملية تحسين الـ process ومحاولة الوصول لاحسن اداء، فبالتالي اخلي سير العمل اكثر فعالية وتأثير وقدرة علي التأقلم مع متطلبات المستفيدين من القيمة اللي بقدمها، وده عن طريق توفير تعاون اكتر بين الـ business والـ information technology (اللي هي الاعتماد علي الانترنت والكمبيوتر في تخزين وحماية ومعالجة المعلومات ونقلها)، كمان بيساعدك تنفذ الـ process بسرعة ومرونة.

lifecycle.png
BPM Life Cycle

اجمالا، الـ BPM بيحط الـ processes تحت الميكروسكوب، ويعملها فحص دقيق ويحللها ويقارنها بمقاييس ونماذج معينة، عشان في النهاية يقيمها ويشوف التعديلات اللي محتاجة تطبق فتحسن الاداء، و ده فيديو بيدي نظرة شاملة للـ BPM . 

خلي بالك من عنق الزجاجة !
في مشكلة في اي process اسمها الـ bottleneck او عنق الزجاجة، بتحصل لما الـ process تمشي بسرعة زيادة عن قدرة استيعاب الـ system، زي بالظبط السائل اللي بيندفع بكمية كبيرة في الجزء الضيق من الزجاجة ! المشكلة دي بتكلف كتير خصوصا لو ماعندكش فكرة حصلت ليه. الـ BPM بيخليك تبقي شايف الـ processes كلها ماشية ازاي فبيساعدك تعرف بدري احتمالية حصول ده فتقدر تطور الـ process وتتفادي المشكلة.

الـ business process طول الوقت محتاجة تطور، ليه ؟ .. و ازاي؟
دلوقتي انت بتطور الـ processes عشان تطلع احسن product، طب ازاي اطور الـ product نفسه وازاي اربط الـ customer بيه ؟ الفيديو ده بيشرح بالتفصيل دورة حياة الـ product من اول فكرته بتيجي ازاي لغاية ما بيوصل للعميل، وبعد كده لما العملاء يفقدوا اهتمامهم ايه المفروض نعمله ؟!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s