مرحبا بك في السحابة

تخيل انك عايز تلعب لعبة على تليفونك مع واحد صاحبك !
الموضوع سهل جدا.. هتروح للـ Store .. تحمل اللعبة على جهازك .. صاحبك يحمل اللعبة .. فتقدروا تلعبوا اللعبة بكل بساطة .. لو وقفت لحظة و فكرت في العملية دي .. مش بعيد توصفها بالسحر !

الجني !
تقدر تتخيل الـ Cloud على انها جني المصباح ! مجرد بتطلب منه امنية، و هو بيحققهالك، عايز تلعب لعبة مع صاحبك، بتدوس كام دوسة، تلاقي اللعبة متوفرة عندك و بتلعبها مع صاحبك بمجرد ما تتحمل عندك و عنده.
و هو ده Concept الـ Cloud Computing .. سحابة كبيرة مليانة معلومات و بيانات و Content كبير جدا و مش باين منها اي حاجة ليك كمستخدم، بمجرد ما تحتاج حاجة ، بتعمل حركات بسيطة جدا، و الجني يجيبلك اللي انت عايزه من السحابة، و اللي ممكن يكون اكبر بكتير من مجرد لعبة غلى تليفونك ! قد يكون بيانات معاملات بنكية لأكبر بنك في العالم مثلا !

Cloud_computing.svg.png

انواع السُحب التلاتة.
في 3 انواع للـ Clouds .. و كل نوع ليه ميزات عن غيره، و بالطبع عيوب ..
الانواع هي : Private Clouds, Public Clouds, Hybrid Clouds

و من اسمهم ممكن تكون فهمت ايه الفرق بينهم. الـ Private cloud بيستخدمها عميل واحد، و العميل ده قد يكون شركة مثلا، بتخزن كل بياناتها على الـ Cloud الخاصة بيها، و اكبر ميزاتها هي الـ Security لأنها ملكه لوحده و هو االمسيطر عليها.

اما النوع التاني Public Clouds و ده مش مربوط بشركة معينة، لكن ممكن يستخدمه اكتر من شركة او ممكن نسميه مُستأجر، لأن بيكون في Cloud Provider و بيكون مسؤل عن ادارة الـ Cloud دي و في كذا عميل بيستخدمها، لكن طبعا مش بيكون لكل واحد منهم سيطرة كاملة على الـ Cloud . ممكن تتخيل الفرق بين الـ Private و الـ Public Clouds زي الفرق بين اللي عنده شقة ملك و اللي مأجر شقة في عمارة، و الـ Cloud provider هو صاحب العمارة.

pub-priv-hyb

النوع الاخير هو الـ Hybrid Cloud و بتكون مزيج من النوعين اللي فاتوا. و طبعا بيتم اختيار نوع الـ Cloud على حسب نوع النشاط اللي بتستخدم فيه الـ Cloud .

المُستقبل
الـ Cloud Computing قريب هتبقى كل شيء، هنوصل للنقطة اللي هتتحول فيها كل أنظمة التشغيل لـ Cloud operating systems .. زي Google Chrome OS . كل المؤشرات بتقول اننا هنوصل ان المُستخدم هيقدر يشغل كل تطبيقاته عن طريق الانترنت، يعني تشغل applications موجودة على الـ Cloud و مش بالضرورة تكون عندك على الـ Hard drive حتى أضخم الألعاب و البرامج ! .

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s