طب لو جيت و جبتهولك ؟

اكيد اتحطيت في الموقف انك بتدور على حاجة و مش لاقيها، و بتلجأ لوالدتك، و بتقول جملتها المشهورة : “طب لو جيت و جبتهولك” ، و بكل سلاسة بتقدر توصل للحاجة اللي كنت دايخ عليها. تفتكر ليه بتقدر توصل ؟ ممكن لأنها هي اللي مرتة كل حاجة و عارفة اماكنها كويس ؟ او لأنها بتحط كل حاجة في مكان مُحدد و عندها memory قوية تخزن كل المعومات بتاعت اماكن الحاجات ؟ ازاي بتعمل كده ؟!

ايه هو الـ Data Mining  ؟
التنقيب عن البيانات (data mining) من المواضيع المهمة جدا و اللي بتطرح دلوقتي في اغلب اجتماعات رؤساء شركات التقنية في العالم ،وده لامكانيتها من توفير المعرفة عن طريق استخدام البيانات المهمة بس من وسط بيانات ضخمة اوى. و المعرفة دي بتكون زي العصي السحرية في ايد الشركات الضخمة اللي ممكن تستخدمها في التسويق لمنتجاتها – كمثال صغير- .

الـ data mining هي عمليه بحث عن انماط معينة وسط كميه بيانات ضخمة لتكوين المعرفة. كلام صعب ؟ مصطلحات كتير ؟ متقلقش .. الموضوع هيتفسر قدام .. لكن تقدر تقول انه زي اللي بتعمله والدتك و هي بتجيبلك الحاجة اللي مش لاقيها، بس بشكل مختلف شوية !

و عشان تعرف اد ايه البيانات الموجودة ضخمة و بالتبعية استغلالها هيكون صعب، يهمك تعرف ان في سنة 2010 رئيس شركة Google اريك شميت (Eric Schmidt) قال ان البيانات التي انتجتها البشرية من اول عصور الحضارة لحد 2003 بقينا بننتجها كل يومين بس من اول سنة 2010. الاكبر اننا في 2011 كنا بننتج 5 مليارات جيجابايت كل يومين اما في 2013 بقينا بننتج الـ 5 مليارات جيجابايت ديه كل 10 دقايق بس. و عشان كده طلع مصطلح الـ Big data و اللي بيزود حاجتنا للـ data mining.

Untitled.jpg

ايه هي الانماط المعينة و المعرفة اللي ببحث عنها ؟
عشان تعرفها لازم الأول تعرف الفرق بين البيانات (data) و المعلومات (information) و المعرفة (knowledge) :
الـ data هي اي حقايق ممكن تجيلي من الكمبيوتر، مثلا زي الارقام و الحروف و اي حاجة بتجيلي من عمليه بتحصل زي الاسعار و المبيعات وبيانات الارصاد الجوية. أما الـ information فهي العلاقات او الانماط اللي بستنتجها من البيانات، زي مثلا تحليل بيانات البيع و المنتجات اللي تم بيعها.

اما الـ Knowledge فهي عبارة عن تحويل للمعلومات عن طريق ربطها بحاجه قديمة او جديدة بتطلعلي معرفة، مثلا زي تحليل معلومات البيع و الشراء لمستهلك معين و عن طريق المعلومات ديه اقدر احدد ايه الحاجات اللي بيفضلها المستهلك و اللي هتعرفني سلوكه. و الغرض من الـ data mining الوصول للمعرفة دي .

مين بيستخدم Data mining و ليه ؟
في المقام الاول في الشركات اللي بتركز علي المستهلك زي منظمات الاتصالات و التسويق و البيع بالتجزئة. بتقدر الشركات دي تحدد العوامل الداخلية زي السعر و الموقع و المنتجات و مهارات الموظفين، و عوامل خارجية زي مؤشرات الاقتصاد و المنافسة. كل العوامل دي بتمكنهم من تحديد أثر ده على المبيعات، ورضا العملاء، وأرباح الشركات .

المُــستــقــبــل !
على المدى القصير، نتائج الـ mining اللي بتعملها الشركات هتكون مربحة، لان الأعمال التجارية هتشن حملات للتسويق لاستكشاف مجالات جديدة. و دعاية هتستهدف ناس معينة – اللي مهتمة بمنتجاتها -. على المدى المتوسط، ممكن تعرف تلاقي افضل جو انك تسافر فيه لدولة ما و تعرف رقم موبيل واحد صاحبك مقبلتهوش من ساعة المدرسة.

على المدى الطويل ، الكمبيوتر هيقدر يكتشف علاج جديد لأمراض ! او نظرية جديدة لطبيعة الكون!
لكن مؤكد في مخاطر محتملة من الموضوع، و اللي بيمثل التحدي هو الـ privacy .

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s