استخدمت كام خوارزمية انهارده ؟

تبدأ الحكاية في القرن التاسع الميلادي .. مع محمد بن موسي الخوارزمي، عالم الرياضيات و الفلك الفارسي، اللي العالم الحديث مدين ليه بكتير من اللي وصله، واكيد عارف ان من اهم انجازاته تأسيس علم الجبر و النظام العشري، و مفهوم الخواريزميات و اللي اتسمت بعد كده Algorithms و ده لما بدأت اعماله تترجم للاتيني بعد موته بقرون.

algo
تمثال للخوارزمي، طهران، ايران

و الـ Algorithms هي مجموعة خطوات محسوبة ومتسلسلة بنستخدمها عشان ننفذ مهمة معينة او نحل مشكلة بتواجهنا، زي خريطة بتوصلني لهدف معين، ممكن اكتر من Algorithm تحل نفس المشكلة بس كل طريقة ليها مميزات وعيوب، وانت بتختار اللي يناسبك.

كل حاجة في حياتنا خاضعة للـ algorithms، انت شخصيا بتستخدم الـ algorithms بشكل يومي حتي لو مش عارف ان اسمها كده ! مثلا لو رايح تقابل واحد صاحبك في محافظة تانية وماتعرفش المكان، صاحبك هيعمل مجموعة algorithms عشان يساعدك توصل، هيقولك مثلا:
1. تاخد الاتوبيس.
2. هتنزل في الحتة الفلانية وتركب اتوبيس تاني.
3. هتنزل في شارع معين وتكلمني.
او:
1. هتركب تاكسي.
2. تديله ورقة فيها العنوان.

الاتنين في الاخر هيحققوا الغرض انك توصل، بس انت هتختار مين فيهم ؟ الاوتوبيس تكلفته قليلة بس هياخد وقت طويل ومجهود، التاكسي هيوصل اسرع بس هيتكلف اكتر فالاختيار علي اساس الحاجة اللي انا موافق أخسرها.

GOOGLE ازاي ؟
دلوقتي انت عايز تدور علي حاجة معينة مثلا، ازاي تتعلم جيتار ! غالبا اول حاجة هتفكر فيها انك تدور علي جوجل، ملايين الصفحات والمواقع ممكن تكون اتكلمت عن الموضوع او لها علاقة بيه، لو جوجل بيطلع النتايج علي حسب اكتر صفحة اتكرر فيها كلمة جيتار، تخيل لو في صفحة مش مكتوب فيها غير “جيتار جيتار جيتار…”، اكيد مش هتفيدك في حاجة ! طب تفتكر ازاي جوجل بيقدر يجيب في اول صفحة اكتر حاجة ممكن تفيدك واكتر حاجة لها علاقة بالموضوع ؟!

جوجل بيعمل كده عن طريق algorithm مشهورة اسمها Pagerank -نسبة للشخص اللي عملها وهوLarry page (احد مؤسسي جوجل) وشاركه فيها Sergey brin . لو فرضنا انك عامل موقع معين، الـ algorithm دي بتشوف كام صفحة او موقع اشاروا للموقع بتاعك مع الاخد في الاعتبار مدي اهمية الصفحات دي، يعني لو الموقع بتاعك اشار له مثلا ويكيبيديا او New York Times ده هيديه قيمة اكتر من لو اشار له 10 صفحات عاملها ناس صحابك !

algo2.jpg

بس لو صفحة الـ rank بتاعها عالي ومهمة ذكرت الجيتار اللي كنت بتدور عليه في الاول كمثال لموضوع تاني خالص(مرتبط بصناعة الجيتار نفسه مثلا) مش هيفرق معاك اذا كانت مهمة او لأ، لانها ماسعدتكش، زي ما تكون بتدور علي ميكانيكي شاطر بتعرف منين انه كويس وهيساعدك ؟ من عدد الناس اللي بتشكر فيه ومدي ثقتك في الناس دي، بس لو الناس دى وصفولك نجار شاطر جدا مش هيفرق معاك في حاجة ! لأنه مش هيساعدك في مشكلتك اصلا. الـ pagerank بيتعمله update تقريبا 4 مرات في السنة.

فكده المعايير في اول صفحة بتطلعلك انها تبقي اولا مشار لها ومرتبطة بصفحات تانية موثوق فيها وعددهم معقول، وثانيا اكتر واحدة اتكلمت في الموضوع بشكل مفيد وup-to-date، وهو ده اللي انت محتاجه.

صحيح الخوارزميات حاجة موجودة في طريقة تفكيرنا فطريا، الا انه من الافضل انك كمهندس تدرس دايرة كبيرة من الـ algorithms المختلفة خصوصا المعقد منها، لأن ده بيساعدك انك بسهولة تلاقي الـ algorithm الصح لأي مشكلة او system عايز تشغله وتنفذها بصورة دقيقة، وبترتب طريقة تفكيرك بحيث تقدر تبتكر الـ algorithm الخاصة بمشكلتك او هدفك.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s