الحياة بين الحياة والموت !

تخيل شكل الحياة بدون طرق وجسور، بدون ميا وكهربا، او حتى بدون صرف صحي ! بنسبة كبير هتحس بعدم رغبة في الحياة دي !

هي دي ببساطة البنية التحتية، هي اي حاجة تلزم للحياة اليومية و بتُستخدم بشكل يومي، هياكل فنية بتدعم المجتمع زي الطرق والجسور و شبكات الميا والصرف الصحي والكهربا. و بوجود بنية تحتية كويسة هتسهل على الناس المعيشة في كل نواحي الحياة، وترفع المستوى الاقتصادي للدول، وعلى النقيض تماما لو كانت البنية التحتية سيئة ومهملة !

الاوائل في البنية التحتية !
نشر موقع weform.org احصائية بتبين افضل 11 دولة في البنية التحتية ومن ضمنها اليابان والصين والولايات المتحدة الامريكية و غيرهم. و الموقع قال ان بالنسبة للبنية التحتية للسكك الحديد فاحتلت اليابان المركز الاول من حيث الافضلية، بينما احتلت المركز الـ 25 في البنية التحتية للنقل الجوي ! اما بالنسبة للكهربا، سويسرا احتلت المركز الاول، اما بالنسبة للموانيء فاخدت المركزال 47 !

IMG_3353.JPG
محطة ميترو انفاق في اليابان.

مصر و البنية التحتية ! 
طبقا لموقع RT بالعربية، في عشر دول بتعاني من سوء بنية تحتية، و ده بيسبب عائق قدام تطور وازدهار البلدان النامية. من ضمن الدول دي : ليبيا، غينيا، بورما، بوركينا فاسو، و غيرهم. لكن مصر مكنتش من ضمن العشر دول دي.

لكن برضو، ايه موقع مصر ما بين الدول دي ؟ هل ياترى جيدة ام سيئة ام انها على هامش النقد ؟!
نبدا الكلام بموقع مصر العربية، اللي نشر مقال دراسة بتبين ان مصر احتلت المركز الـ 101 من بين 140 دولة حول العالم في كفاءة البنية التحتية للكهرباء، و مدلول الترتيب ده متروك ليك تحلله !

132_cairo_Large.png
مدينة القاهرة، عاصمة مصر.

هل سيأتي المستثمر الى مصر اذا كانت الطرق مكسرة والمجاري تطفو والنت بطيء ؟
– الدكتور رشاد عبده، استاذ الاقتصاد بجامعة القاهرة.

بالسؤال ده نفتكر مع بعض منظر الطرق واحنا مسافرين وتاثيرة على الي راكبين وماشيين وسايقين ! طريق القاهرة اسكندرية سواء كان الطريق صحراوي او زراعي او ساحلي، كل ده بيعوق المسافر المصري البسيط من التنقل، فمبالك بقى السياح والمستثمرين !

الدكتور كمل كلامه، ان لحل المشكلة دي الحكومة لازم تهتم اكتر بالنقل النهري لتخفيف الضغط على الطرق والكباري، وبالرغم من ان النقل النهري رخيص ومضمون الا انه بيساهم في نقل البضائع داخل مصر بحوالي 1% فقط !

a323f64a4c6ec02e67a864f4a43873d4.jpg
النقل النهري في مصر.

اما بالنسبة للمجاري وشبكات الصرف، فاكيد هييجي على بالك اخر فصل شتا اتعرضت ليه اسكندرية، و ازي المدينة غرقت ومقدرتش تقاوم شوية امطار لمدة يوم او يومين تقريبا، والطرق وقفت وحصل حالات وفاة ! كل ده بسبب سوء البنية التحتية.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s