عشان متبوظش حاجة تاني !

بوظت كام حاجة قبل كدا و انت بتعملها ؟
سواء عشان اختارت مواد التصنيع غلط ، او عشان عملية التصنبع ذات نفسها، او علشان نوع المادة المستخدمة ردئ او مش مناسب، او بعد ما عملتها طلعت تكلفتها اغلى بكتير منها، او اشتريت مادة من مكان ما بسعر غالي و كانت موجودة في مكان تاني بسعر ارخص !  كل دى حاجات ممكن تكون حصلت معاك. عشان كدا هنكلمك عن علم اختيار المواد او Material Selection ..

انواع المواد !
مواد التصنيع كتير و بتتقسم لمعادن و غير معادن و حاجات تانية كتير زى التقسيمة اللى فى الصورة دى. كدا انت عرفت المواد، طب هتختار على اساس ايه ؟ فى حاجات بنقيس عليها ،وهى صفات كل مادة و تكلفتها، يعنى على حسب عايزين نعمل ايه بنشوف الخصائص و التكلفة. يعنى ينفع نعمل كرسى من ذهب ! اهو ممكن يستحمل زي الكرسي العادي، لكن تكلفته عالية ! فبكدا مينفعش الدهب و قيس على كدا.

الخصائص اللى بنقيس عليها; خصائص ميكانيكة: يعنى بنشوف المتانة و القوة و الصلابة و الصلادة و غيرها. و خصائص فزيائية: و دى بنشوف فيها قدرة المادة على تحمل الحرارة و التوصيل الكهربى و درجة الغليان و القدرة المغناطيسية. و خصائص كميائية: و دى بنحدد فيها خصائص الأكسدة و الصدى و القدرة على الأشتعال. كل الخصائص دى بتلعب دور مهم فى اننا نختار المادة المناسبة للتصنيع، ايان كانت عملية التصنيع و كل مادة ليها ارقام و جداول تقدر تعرف منها قدرتها على الحاجة دى بالضبط.

algo2
طب احنا كدا عرفنا هنختار حاجة بتعمل ايه، بس مش هينفع اختار المادة من غير ما اعرف حتكلفنى كام. فالتكلفة بتتحط فى الحسبان فى المشاريع الكبيرة قبل الصغيرة، لأنه فى الأول و الأخر مشروع إستثمارى، فعلى حسب الحجم و الشكل و الية التصنيع بقدر أحسب التكلفة بتاعت المادة اللى أنا عايزها.

 

مواد جديدة فى التصنيع . 

مواد التصنيع زى ما عرفنا فروع كتير و مواد أكتر، وبالتكلونوجيا و العلم الحديث بنكتشف مواد بتحل مكان مواد تانية دلوقتي بتُستخدم في التصنيع، سواء بسبب كفاءة افضل او سعر اقل او تهدير اقل او سهولة في التصنيع، كل دى اسباب كافية اننا نخلى مادة جديدة تحل محل مادة مستخدمة.

Graphene.png
من المواد الجديدة و اللى عملت ثورة فى الصناعة مادة الجرافين (graphene). و هى مادة مستخلصة من الجرافيت graphite، و من سنة 1859 العلماء كانوا بيحاول يستخلصوه، لحد سنة 2004 العالمين اندرى جيم و كونستانين نوفوسلوف اكتشفوه عن طريق شريط اللزق و اخدو جايزة نوبل فى 2010.

الجرافين عمل طفرة علشان خصائصه فهو قوى زى الماس و 300 مرة اقوى من الحديد ! و موصل جيد للكهرباء افضل من النحاس !
و شفاف و يسهل تانيه و كمان خفيف. استعملاته فى مجلات كتير زى صناعة الطيارات و السيارات و حفظ الطاقة و الـ sensors و عمل الواح الطاقة الشمسية و استخراج البترول.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s