مهارات المقابلات الشخصية – Interview Skills

تقريبا مفيش حد في القرن ده معداش او مش هيعدي بتجربة الـ interview، التجربة مهمة جدا، للبعض بتكون حاجة مُخيفة، و للبعض التاني بتكون حاجة بسيطة و حتى مُسلية ! و عشان كده يهمك تعرف عن العملية دي بشكل مُفصل شوية و من اكتر من جانب .

ليه ؟
صاحب العمل بيعمل المقابلات الشخصية للمتقدمين لوظيفة معينة عشان كذا سبب، منهم انه يعرف هل المُتقدم ده فعلا الشخص المناسب للمكان المناسب ؟ هل فعلا وجوده في المكان الّي مقدم عليه هيفيد المكان ده ولا هيكون مجرد زيادة عدد ! سبب كمان اه يعرف مدى تطابق كلامك الّي كتبته في الـ application الّي مليتها عن نفسك قبل ما تروح المقابلة دي، و الاهم انه عايز يسمعك ! لأن في اي مقابلة انت فعلا بتكون الـ intervieew لكن في نفس الوقت بتكون الـ interviewer و تقدر تتكلم و تتحكم في مجرى الحديث برضه .

ازاي ؟
في طرق كتير لعمل مقابلة شخصية، زي الـ Telephone Screening (عن طريق التليفون)، او  In person screening (شخصا لشخص)، او Peer-Group interview (مقابلة جماعية) او Pannel Interview (و هو ان اكتر من حد يعملك interview) و انواع غيرها، و كل واحد من دول بيكون ليه هدف مُحدد الـ interviewer او الـinterviewers عايز يوصله، يعني لو كان عن طريق التليفون، ممكن يكون حابب يشوف طريقتك في الكلام و الترحيب و الـ attitude العام بتاعك في كلامك، و دي بتبقى حاجة مهمة جدا لبعض الشركات و الوظائف .

اعمل ايه امتى ؟!

أعطني ست ساعات لأقطع شجرة, سأقضي الساعات الأربعة الأولى منها في شحذ الفأس

اهم حاجة هي مرحلة قبل المقابل، لازم تستعد، و تستعد، و تستعد !
لازم تكون نايم كويس جدا و مُستعد نفسيا، لازم تكون مذاكر كويس الجهة الّي انت متقدملها، لازم تعرف تاريخها ايه و هي بتعمل ايه و ايه اشهر منتجاتها مثلا او اخر اخبارها، و ايه الـ value اللي بتقدمها، بإختصار تكون عارف كل حاجة تقدر تعرفها عنها . كمان لازم تذاكر نفسك، و تحضر كويس اوي الكلام الّي هتقوله عن نفسك. و اخيرا، الاهم انك تعمر بروفات و اختبارات كتير لنفسك قبل المقابلة .

اما في مرحلة الـ interview ذات نفسها، فمن اهم الحاجات انك تروح المقابلة في معادك ، متتأخرش ! و كمان دايما احتفظ بإبتسامتك مهما كانت الظروف و حاول تبين تماسكك للـ interviewer لكن بين ده و بين الغرور شعرة ! فحاول متبينش ان في اي غرور او تعالي منك. لازم تعرف ان الانطباعات الاولى مُهمة، فحاول تخليها كويسة، ادخل بثقة و سلم على الـ interviewers بشكل freindly و formal في نفس الوقت، الاتنين مش بيتذادوا اطلاقا .

اما بعد ما المقابلة تخلص، لازم تشكر الـ interviewers، و لو اتطلب منك تقييم ادائك في المقابل، متبالغش و تدي نفسك اكتر من حقك (10 على 10) و في نفس الوقت متقللش من نفسك و تدينفسك رقم صغير، اكتر حاجة مناسبة انك تقييم نفسك بحاجة متوسطة، زي 7 من 10 مثلا، و الاهم من كده انك تقول ليه قيّمت نفسك كده، زي مثلا انك كان ممكن تجاوب السؤال الفلاني بشكل احسن. و اخيرا، لو متقبلتش، حاول تعرف السبب لده، و ده حقك و مفيش فيه اي اهانة للـ interviewers .

الخلاصة
متخافش .. متقولش جمل غير مفهومة و متسرحش بعيد عن الموضوع .. متقلقش زيادة عن اللزوم .. اياك تبان انك شخص مُتجرف .. اقعد بشكل مُحترم قدام الـ interviewer و متتحركش كتير .. خليك نفسك و متمثلش دور شخص تاني .. اعرف كويس جدا عن المكان اللي مقدمله .. البس حاجة مُريحة عشان متكونش متضايق في فترة المقابلة .. اوصل في معادك و متتأخرش ..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s