CV Writing – كتابة السير الذاتية

بتتردد كلمة CV كتير اوي على لسانا في مرحلة الجامعة و ما بعدها، لكن تعرف المعنى الحرفي للكلمة ايه ؟

الحرفين اختصار لكلمتين لاتينيتين Curriculum Vitae، و ترجمتها الحرفية للانجليزي هي (The Course of My Life) او بالعربي (طريق حياتي) . و ده بالظبط اللي بيقدمه الـ CV لأي حد يقراه، هيعرف طريق حياة الشخص صاحب الـ CV ده بما فيها من انجازات و خبرات ومهارات، و بناء على الطريق ده هيقدر ياخد قرار مبنيى على الـ CV ده. و حاليا في الغالب بيكون القرار ده : هل صاحب الـ  CV ده هيحظى بفرصة انه يتعمله interview او لا لأ .

انواع الـ CVs .
اول نوع هو الـ Chronological  CV، و الـ CV ده بيكون مُرتب زمنيا، يعني اجدد خبراتك بتكون مكتوبة اول حاجة و بعد كده بيبدأ يرجع بالزمن لورا للخبرات الاقدم، و تحت كل خبرة بيتكتب كانت ايه مسؤلياتك بالظبط في المكان ده، و ده اكتر نظام CV مشهور و مُستخدم. امتى تستخدمه ؟ لوعايز تبين خبرتك السابقة بشكل قوي او تبين مدى تطورك مع الوقت، و طبعا بنسبة كبيرة جدا ده بتستخدمه لو حبيت تشتغل في مكان تاني لكن في نفس خط العمل بتاع المكان القديم اللي كنت شغال فيه، فتبينلهم خبراتك في مكان مشابه . لكن مش بيكون منصوح بيه في حالتين، و هي ان يكون في فترات معينة في تاريخك مكنتش بتعمل حاجة فيها او بمعنى اصح Gap، و لما تكون اشتغلت في حاجت كتير ذات توجهات مختلفة، او بتنتمى لخطوط عمل مختلفة .

النوع التاني هو الـ Fnctional CV و ده بيركز اكتر على مهاراتك، مش على خبراتك السابقة و تحت كل مهارة بتبدأ تتكلم بتفصيل اكتر عن انت تقدر تعمل ايه بالظبط و مستواك ايه. و ده بيكون مناسب في حالة انك حابب تغير مجال شغلك الحالي، او لو عندك Gap في تاريخ شغلك السابق زي ما قلنا، وكمان لو محتاج تقدم على حاجة مهم فيها انك تأكد على مهاراتك بشكل خاص.

ترتيب المعلومات في الـ CV
الترتيب طبعا مش حاجة ثابتة، لكن الترتيب التالي هو اكتر حاجة مُستخدمة و منطقية و بتساعد اللي بيقرا يفهم احسن.
اول حاجة البيانات الشخصية (اسمك و بريدك الاكتروني و تليفونك المحمول الخ) – الـ Career objective و دي ممكن تتغير على حسب الوظيفة اللي مقدم عليها – التعليم (و بتكتب فيها مدرستك الثانوي و تعليمك الجامعي، جامعة ايه و قسم ايه و تقديرك العام) – الـ internships و دي بتكتب فيها التدريبات اللي شاركت فيها قبل كده – الـ Skills ، و طبعا حاول تنقي المهارات اللي لها علاقة بالشغل بتاعك، و اللي عامة بتكون Computer softwares,Languages,Personal Skills  . و اخيرا بيكون جزء الـ Activities و اللي بتحط فيه اي عمل تطوعي شاركت فيه مثلا و كان دورك ايه فيه .

قواعد لازم تحطها في اعتبارك
الـ font المُضل في كتابة الـ CVs هو Arial او Times New Roman، و بالنسبة للحجم فبيكون 18 للأسم و 14 للعناوين الجانبية و 12 للكلام العادي او الـ Body يعني . ويُفضل عشان يبقى الـ CV سهل على العين انك تستخدم Bold font للعناوين الجانبية . راجع كويس جدا على الـ grammar & spelling . و اخيرا، لازم لو بعت الـ CV دهيكون مبعوت بصيغة PDF. و من المهم جدا انك متنساش الـ CV بتاعك فترة كبيرة، دايما ابقى عدل فيه لو حصل اي حاجة جديدة في طريق حياتك .

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s