infrastructure – البنية التحتية

البنية التحتية من المواضيع المهمة جدا اللي اي دولة بتعمل خطة لتحسين اقتصادها لازم بتحطة في الأعتبار بل بيكون من اولوياتها .

ايه هي البنية التحتيه و ليه هي مهمة كده ؟ 
نسبة كبيرة من الناس بيعتقدوا انها مقتصرة بس علي الطرق و الكبارى، لكن البنية التحتية اكبر من كده بكتير، البنية التحتية هو عنصر بيدعم الحياة اليومية بتاعتك، زي الموصلات و انظمة المياة و الكهرباء و الاتصالات،. لو مثلا اخدنا انظمة الكهرباء، هنلاقيها من اول عواميد النور لحد محطات توليد الكهرباء. و على كده، اي نظام للبنية التحتية لازم ببقي عارف -على سبيل المثال- ان محطات توليد الكهرباء ليها عمر افتراضي للتشغيل ،و بعد كده هحتاج يكون عندي خطة لمحطة كهرباء بديلة و هكذا ، فالبنية التحتية مهمة جدا للمستقبل و عشان اقدر ابني مجتمع مستدام.

الـ Infrastructure Sustainablilty 
طالما قولنا مجتمع مستدام فلازم نتكلم علي مصطلح : Infrastructure Sustainablilty . عشان كل دول العالم مش مجرد انها بتبني بنية تحتية، لأ، دي بحرص على انها تكون مُستدامة، بمعني لازم يتاخد  في الاعتبار – في مراحل التخطيط و البناء و تفعيل المشروع – ثلاثة جوانب. الجانب المجتمعي و الجانب الاقتصادي و الجانب البيئي . فكمثال لبنية تحتية مستدامة، في اليابان عشان تحل مشكلة الحفر اللي بتبقي موجوده في الشوارع اخترعوا شاحنة تلف الشوارع المدينة كلها باشعة الليزر عشان تكشف عن الحُفر قبل تكوينها !

فهي راعت الجانب الاجتماعي في انها مستنتش الحفرة تتكون، فممكن شخص يتأذي منها، لكنها بادرت بالحل ده،  غير ان الشاحنة دي بتمشي بالليل بس عشان سرعتها بطيئة فمتاثرش علي المرور، و برضو الموضوع راعى الجانب الاقتصادي، لأن الحفرة هتتصلح قبل ما تكبر او حتي قبل ظهورها، و طبعا كان ممكن يحصل حادثة بسبب الحفرة دي، مع ان في اليابان عمرها ما بتوصل لكده. المُدهش ان الشاحنة دي اخترعوها في سنة 1993، و على الجانب الاخر في امريكا مثلا، بيستنوا ان حد يبلغ و بعد كده يصلحوا الحفرة من 7 ل 10 ايام بعد البلاغ !

الـ ISCA و الـ IS !
الحل ده من اليابانببن بيدل على انهم فعلا قدروا يوصلوا لبنية تحتية مستدامة، طب لو انا عايز اعرف اد ايه البينة التحتية مستدامة في دولة ما، في NGO في استراليا اسمها Infrastructure sustainability council of Australia، الـ NGO دي عملت Rating tool أسمها Infra. Sus. او اختصارها IS . بتقدر عن طرقيها تقيس الاستدامة بتاعت المشروع في مراحة التلاتة اللي قولنا عليها فوق، و تقدر تعرف عن الموضوع ده اكتر من هنا | https://goo.gl/8bXAQu

الاستفادة الاقتصادية !
طب ايه هيا الأستفادة الاقتصادية اللي بترجعلي من البنية التحتيه؟  لو اخدنا الـ Short-term Goals، هنلاقي ان المشروع اللي بيتحقق في عنصر الاستدامة هجذب استثمارات و كمان هزود العمالة و كمان لو المشروع ده عملاق ممكن يتبني ليه مصانع مخصوص. طب لو قولنا الـ Long term goals، هنلاقي ان لو فعلا قدرنا نحقق بنية تحتية مستدامة هبقي بنينا حاجة للمستقبل، ده غير ان الموضوع هيوفرلي طاقة، كتير، لان الطاقة من اكتر الحاجات اللي بهتموا بيها دلوقتي في مشاريع البنية التحتية.

ولو اخدنا الصين كمثال علي ده ، فالصين حطت خطة انها من سنة 2010 لحد سنة 2020 هتكون وصّلت كل المدن في الصين بخطوط سكة حديد سريعة، و الصين من وقت طويل بتستثمر جزء كبير من الناتج المحلي بتاعها في البينية التحتية، و لو قرانّاها بالهند من سنة 1997 لحد 2002، هنلاقي ان الصين استثمرت  اكتر بكتير من الهند و مازالت، فهنلاقي ان الصين اقوي تاني اقتصاد في العالم و ان الهند تاسع اكبر اقتصاد فالعالم، وده مثال عملي بيوضح اهمية البنية التحتية و تأثيرها القوي علي  الأقتصاد .

نفق SMART في ماليزيا . 
في ماليزيا قرروا في اوائل الالفينات انهم يبنوا نفق “اسمارت”، طبعا في الوقت ده كان في مخططتهم لعاصمة ماليزيا انها تكون عاصمة اقتصادية، طب ازاي تكون كده و هي بتتعرض لفيضانات اكتر من مرة في السنة ! ده غير طبعا تاثيرها علي حياة الناس و التاثير السلبي اللي بيعود علي كل حاجة في المدينة ! فهما حبوا يضربوا عصفورين بحجر واحد، فبنوا نفق تحت المياة بطول 10 كيلومتر، و هيكون فيه مكان للسيارات و مكان للمياة بتاعت الفيضانات، و لو الفيضان شديد ممكن يفضوه كله و بالتالي المدينة من فوق مش هتحس بحاجة !

 فهما كده راعوا الجانب الأجتماعي انهم انقذوا حياة ناس و ده غير البيوت اللي كانت ممكن تتدمر بحاجة زي كده، و راعوا الجانب الاقتصادي في انهم تجنبوا كارثة اقصادية من وقوف السياحة وتدمير بيوت و غرق مدينة كاملة، و الجانب البيني راعوه انهم كان ممكن يبنوا مثلا سد و ده كان هيبقي ليه اضرار، فهما اختاروا الحل الوسط اللي يقدر يمكّنهم من الموازنة بالجوانب التلاتة للبنية التحتية المستدامة .

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s