مين بيختار مين ؟

ممكن لما تنزل تشترى Laptop تكون بتدور على السعر الأقل او على الوزن الأخف، و ساعات كتير بتدور على إمكانيات معينة تناسب طبيعة شغلك، لكن تفتكر انك انت اللي بتلاقي اللاب توب ولا هو اللي بيلاقيك ؟!

معركة التكنولوجيا الجاية بتركز اكتر على المُستخدم، الموضوع بقى بيمشى بالعكس، يعنى اشوف الأول المستخدم محتاج يلاقى مميزات عاملة ازاى فأخليها من أولويات تطوير المنتج بتاعى، و دا اللى خلى شركات كبيرة السنة دى تركز في التطوير لمنتجاتها بناءا على الـ user experience .

الـ Case Study اللى هنتكلم عنها هي Apple Mac Pro Vs Microsoft Surface book i7

كلنا بلا شك بننبهر بالشكل اللى بتتقدم بيه منتجات Apple، والسنة دي Microsoft شاركت في المنافسة بقوة، وتكاد تكون خطفت الأنظار من Apple ! لو هنتكلم على الـ Hardware للجهازين، فالجهازين متقاربين جدًا، ولكن surfacebook قدر يتفوق في الـ resolution بتاعة الشاشة و الّي وصلت لـ  267 ppi او 3000 * 2000 Pixels، ودا يخليه أحسن لشغل الـ graphics.

microsoft-event-2.jpg

كمان Microsoft قدرت انها -على حسب وصفهم- تـ “Put More Batteries In The Computer”. زى ما تم الاعلان في المؤتمر، بطارية surfacebook بتستمر 16 ساعة، ودا حلم كل مصمم او مبرمج بيكسل يقوم يجيب الشاحن !

كمان فيه ميزة كويسة جدًا، وهى ان الشاشة كلها touchscreen، وممكن تنفصل تمامًا عن الجهاز و كأنك اشتريت تابلت و لابتوب في نفس الوقت. وبكده هو اقنعك انك هتدفع سعر اكيد اقل من شراءك لجهازين !

على الجانب الاخر، هنلاقي ان Mac Book اقل في الوزن، وده الّي عودتنا عليه Apple، والاضافة الجديدة هي الـ dynamic function touch bar، واللي تقدر تشكلها حسب استخدامك بالـ shortcuts الّي انت عايزها، لانهم لقوا ان المستخدم مش بيهتم بـ F(1-12) buttons. كمان كل الـ ports بقت Apple Thunderbolts، ودا استبدال من apple للـ ports بتاعة اى جهاز بيتوصل من برا زى الفلاشات او الشاحن ب port موحد .

ودا خلى في رأيين من ناحية التجربة. الأول بالنسبة للـ touch bar، فالناس اللى بتحب انها تستخدم اختصارات كتير ف شغلها هيعجبها الموضوع، ولكن الناس اللى مش متعودة على استخدامها هتستغربها وهتعتبرها تغيير غير مرغوب فيه ومربك لأنه هيضيع وقته ف انه يغير الـ shortcuts كل شوية حسب استخدامه، وان مثلًا شركة زى Lenovo في لابتوباتها كل اللى عملته انها خلت fn button بيشغل الـ F buttons وعكستهم مش اكتر، ودا كان حل فعال، لكن محدش يقدر ينكر ان ال touch bar “شكله حلو” .

بالنسبة للـ ports، فالتغيير دا ازعج ناس كتير لانه ببساطة مش هيكون متوافق مع شكل الـ ports والكابلات الدارج اللى معظمها USB، وبالتالي دا ممكن يكون سبب كافى جدًا ان الناس تقرر متشتريش mac pro ! وهيقولوا بساطة انا ايه اللى يخلينى اشترى لابتوب بـ port صغير و اشترى وصلة او USB-C dongle كبيرة وغالية !

مشكلة تانية خالص هي الـ operating system نفسه، وان في الحقيقة الناس ممكن تكون بتحب ios ف الموبايلات ولكن لما تيجى للـ Laptops فبنلاقي ان الأغلبية بترتاح اكتر في استعمال Window و Linux عن Mac OS، وناس كتير كمان بتحتاج تنزل ويندوز مع لينكس dual port .

windows-versus-mac-dap-20150327
في الحقيقة، فئة الأشخاص اللى بتشترى بناءًا على السعر هتحتار جدًا، لأن الاتنين قريبين، ولكن الاختيار هيكون سهل على الشخص اللى عايز اختيار عملى ومتوافق مع متطلبات معظم الوظائف وبردو على الشخص اللى بيحب يصور مقتنياته الثمينة كتير !

بلا شك ان الموضوع بيكون محط الأنظار والناس كلها بتستنى تعرف المنتجات الجديدة دى من وقت للتانى، مش كل الناس بتشترى المنتج ولكن الشركة الناججة هي اللى تقنعك ان التغيير او الإضافة اللى تمت دى كانت تنازلٌا منهم لرغباتك كمستخدم وسماعًا منهم لاحتياجات مستخدمى المنتجات السابق. والحقيقة كمان ان تغيير اللابتوب بيكون قرار اصعب و مكلف اكتر من تغيير الموبايل وبالتالى لازم يكون التغيير:

هيحسسك بفرق.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s