! بس ده مش الموسم بتاعه

دايما من وإحنا صغيرين بيفهمونا إن فيه فاكهة بتطلع في الصيف وفاكهة بتطلع في الشتاء، او ان كل فاكهة ليها “موسم”، و مع الوقت بقت فاكهة الصيف موجودة في الشتاء، و فاكهة الشتا موجودة في الصيف !

الإنسان في البداية خالص مكانش يعرف الزراعة، وكان ببساطة بيأكل أي شيء متاح ليه، بعدها بفترة بدء يميز طعم الحاجة، يفضل نوع من الطعام ده على غيره، بدأ طبعا النوع ده من الغذاء يقل بسبب الإقبال عليه، و هنا بدأ مفهوم الزراعة عشان الحاجة؛ المفهوم ده بالظبط الّي بيحصل في كل الفترات الّي فاتت من تطور الإنسان، عدد المستهلكين أكثر من كمية الموارد، الفلوس موجودة والعلم موجود و إحنا في حاجة لكمية أكبر من مورد معين، ليه لأ!

ازاي بيتم تعديل صفات النباتات ؟
علم الهندسة الوراثية كان بداية تطورات كثيرة في حياة الإنسان، بداية من دراسة جينات الإنسان مرورا بكل الكائنات الحية و منها النبات، وأحد أهم التطورات ديه هو الـ GM Engineering . الـ Genetic Modification هو تكنلوجيا بتسمح بالتعديل على الصفات الوراثية او الـ Genes الخاصة بكائن حي و دمجها بجينات كائن حي ثاني وده عن طريق التعديل في الحمض النووي أو الـ DNA .

dna-plants

بـ Scale أقل و تحديدا في النبات، التكنلوجيا ديه كان سبب في حل كثير من المشاكل؛ بس إزاي الموضوع ده بيتم ؟
الأول بيتم دراسة الـ Genes الخاصة بالنبات المُضيف -الّي هيتعدل في جيناته-، وبعد كده بيتم دراسة النبات الثاني -الّي بيحمل الصفات المطلوبة- في النهاية بيتم المقارنة بين الأثنين عشان يتم تحديد العناصر اللازمة لإتمام العملية.

عملية الدمج !
الـ Genes الخاصة بالنبات بتكون مكونة من DNAs وديه الّي بتكون مسؤلة عن المعلومات اللازمة للبروتين لتكوين الصفة المميزة للنبات زيّ اللون، الطعم، البيئة اللازمة للنمو، وصفات كثير ثانية.

عملية الدمج بتكون عن طريق إستئصال جزء من DNA نبات حامل لصفة معينة و إستبداله بجزء من DNA النبات الثاني، بعدين البذور المعدلة وراثيا ديه بيتم زراعته في بيئة مخصصة تساعد على إتمام العملية، في النهاية البذور ديه و النبات بعد نموه بيكونوا حاملين للصفات الجديدة المُعدلة.

gm-3

زيّ أي تجربة في العلم في البداية بيكون فضول الإنسان هو المحرك الأساسي، بس بعد فترة أكتشفوا إن ممكن إضافة جينات معينة للنبات تفيد النبات و تفيد الإنسان في النهاية، زيّ مثلًا إن نبات يكون فيه جينات بتحارب نشاط الخلايا السرطانية، أو إن النبات نفسه يحمل جينات بتقضي على الحشرات الّي في الأساس كانت بتقضي عليه

الفيديو ده فيه شوية من النباتات ديه وفيه غيرهم كثيير ممكن تشوفوهم؛

في النهاية ؛
النباتات المُعدلة وراثيا كثير جدا و عددها بيزيد ، وممكن نكون بنتعرضلها يوميا من غير ما نعرف، هي مؤكد مفيدة للأنسان، لكن على الرغم من كده، كل حاجة ليها ضرر زيّ ما ليها فوائد؛

تفتكر أضرار الـ Genetically Modified Crops ممكن تكون ايه ؟!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s