العظمة قد تأتي بالصدفة أحيانا

البداية ..
بدأ زي اي برج كنيسة عادي جدا في وقته، لكن مع مرور القرون بقى واحد من عجائب الدنيا السبع !
برج بيزا المائل بدأ بنائه 1173 ميلادي، في مدينة بيزا في ايطاليا، و كان مُقدر للبرج انه يكون برج جرس لكاتدرئية بيزا، و البرج اتبنى على الطراز الروماني.

pisa-cathedral-and-tower.jpg البرج اتبنى وقتها من الرخام الأبيض، و استمرت عملية البناء حوالي 200 سنة، لكنهم مكانوش متصلين، فكان بيقف البناء من وقت للأخر و يرجعوا يكملوا البناء تاني في وقت لاحق. البناء تقريبا كان متقسم لـ3 مراحل. اول مرحلة كانت المرحلة من بداية البناء ولحد ما تم الانتهاء من تالت دور في البرج في سنة 1178، و التوقف عن البناء بالطبع كان بسبب اكتشاف ميلان البرج !

ما بعد اكتشاف الميلان .
فضل البرج على حاله (3 ادوار) حوالي 100 سنة، لحد ما في سنة 1272تم بناء 4 ادوار اضافية للبرج، لكن المرادي الادوار اتبنت بميل ! عشان يحاولوا يعدلوا الخلل الموجود في البناء من الاول. لكن للمرة التانية اتوقف البناء في سنة 1301 و لمدة واحد وسبعين سنة،و في تالت مرحلة تم بناء اخر دور(التامن)، و تم تركيب الجرس خيرا في اعلى البرج.

صورة-توضح-ميل-البرج-هندسيا

و المميز في الموضوع ان الميلان نسبته كبيرة جد و ملحوظة بالعين المجردة، البرج وصل لميلان 5 درجات عن المحور العمودي، وطبعا الميلان مكانش مقصود، لأن بالتأكيد من العوامل الي ممكن تخلي أي مبنى ينهار بسهولة و يخليه في موضع خطر هو ميلانه. و برغم الميلان لقرون و بالرغم من انه في فترة من الفترات كان قارب على السقوط، فضل البرج موجود.

سبب الميلان و محاولات الاصلاح ..
سبب ميلان البرج ببساطة هو رخاوة الأرض تحته، التربة الي تحت البرج كانت بتهبط مع مرور الوقت بنسب غير متساوية و كانت النتيجة ارتفاع ناحية من البرج على حساب التانية -ميلانه- ، و زي ما قولنا ان الميلان ظهر للمعماريين في مراحل البناء الأولى، ومع ذلك استمروا في البنا – لكن بميل عشان يقدروا يكملوا-. و أثناء بناء الدور الخامس حاولوا تعديل الميل و انهم يرجعوا البرج لمركز توازنه، ولكنهم فشلوا.

image06

ومن الوقت ده لحد دلوقت بيحاول المعماريين بناء دعامات للبرج للتخفيف من ميلانه؛ عشان ميقعش، معظم المحاولات دي فشلت، و بعضها كان بيزيد من ميلان البرج و بيقربه من الانهيار اكتر. لحد ما الحكومة الايطالية طلبت المساعدة في 1964 لمنع البرج من الانهيار، لكن مع الحفاظ على نسبة ميله، لأن البرج كان و مازال مزار سياحي كبير جدا في ايطاليا و بيدخل فلوس للبلد، و بالفعل مجموعة من العلماء و المهندسين و الرياضيين اجتماعوا عشان يناقشوا طرق للحفاظ على اتزان البرج.

واحدة من الطرق المقترحة كانت اضافة وزن مضاد في الجزء المرتفع من القاعدة عشان يلاشي الوزن الي في الجزء التاني و بكده المبنى يتزن. لكن في 1990و بعد سنين من الدراسات لاتزان البرج و عدم الوصول لأي نتيجة، تم منع الجمهور من الدخول للبرج، و كمان لأول مرة كان البرج من غير جرسه عشان يحاولوا يقللوا الحمل لمنع الانهيار .

المحاولة الاخيرة ..
في 2001 البرج اتفتح تاني للزوار، وتم إعلان البرج “مستقرا” لـ 300 سنة قادمة، و الحل النهائي لتصحيح الميلان كان إزالة 38 متر مكعب من التربة من تحت الطرف المرتفع من قاعدة البرج.

article-2478295-190B259C00000578-779_634x505

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s