الهرم الاكبر و الـتطوير المستمر

لو بصينا لأهرامات الجيزة و المعابد و كل المنشأت الي اتعملت في فترة مصر القديمة، ممكن نطلع باستنتاجات كتير جدا عن الحضارة المصرية وقتها، مثلا اد ايه هما كانوا ناس عندهم قدرة عالية على ادارة المشروعات ! ازاي كان في فترات بيقدروا فيها يشتغلوا على اكتر من مشروع كبير جدا و يطلعوه بمدى الدقة و الجودة العالية دي الي تخليه صامد لألاف السنين بعدهم ؟ ازاي اصلا قدروا يبنوا الحاجات دي من الناحية الفنية وقتها ؟ هل مرة واحدة كده بنوا حاجة زي الهرم الاكبر ولا كان نتيجة لسلسلة من التطور و الدراسات ؟ كل دي اسألة ممكن تيجي في دماغك بمجرد ما تشوف الهرم الاكبر و غيرها ..

تطور اسلوب البناء و محاولات سنفرو
بالفعل الهرم الامكبر متبناش مرة واحدة، و مكانش اول منشأ عمله المصريين، الهرم فكرته بدأت من مجرد مسطبة (او عتبة) زي المقابر بتاعتنا دلوقت، و بعد كده مرحلة الهرم المدرج (زي هرم زوسر) لحد ما وصلت للشكل الي شايفينه في الجيزة، و مرحلة التطور دي اخدت قرون، و تخلل القرون دي محاولات و تحديات كتير لبناء الشكل الهرمي الكامل، و محاولات كتير فشلت و الجميل انها لسه موجودة عشان تحكي القصة ..

pyramid-development1

اهم المحاولات كانت محاولات الملك سنفرو (والد خوفو)، و الي كان ليه 3 محاولات للانتقال من مرحلة الهرم المدرج للهرم الكامل، و نقدر نقول ان محاولتين من التلاتة فشلوا تماما، و المحاولة التالتة كانت اكثرهم قربا لصورة الهرم الي في ذهننا حاليا، و المحاولة التاتة دي كانت الهرم الاحمر، و الي تفادى فيه سنفروا اخطاء الهرمين الي قبله (هرم ميدوم و الي انهار منه جزء كبير، و الهرم المائل و الي كان زاوية ميلانه من القاعدة لنص الارتفاع 54 درجة و بعد كده الزاوية اتغيرت لـ 43 و الي سبب تسميته بالمائل)

اهرامات سنفرو.JPG

الهرم الاكبر .. هرم خوفو.
في وقت خوفوا كان وقت التجارب انتهى، بدأ خوفو ببناء الهرم الاكبر و هو على ارض جيدة من المعرفة بسبب محاولات والده الي انتهت بالهرم الاحمر، و بالفعل بعد اكتر من 20 سنة  من بدأ البنا، انتهى الهرم و بقى واحد من عجائب الدنيا السبع، و واحد من اكتر المنشأت الي بتطرح اسألة عن كيفية بنائه. 

kjw2uS.jpg

كيف تمت عملية البناء ؟
السؤال ده موضع نظريات كتير بتجاوب على الموضوع، لكن حتى الان محدش يقدر يُجزم ان في نظرية منهم هي فعلا الطريقة الصحيحة، و اكتر سؤالين بتحاول اي نظرية تجاوب عليهم هما:

1. ازاي تم نقل الاحجار (حوالي 2 مليون حجر) من اسوان للجيزة ؟ (من اول مصر لأخرها تقريبا) !
2. ازاي تم رفع الاحجار لبناء المستويات العُليا للهرم ؟

في اجابة على السؤال الاول، في نظرية بتقول ان الاحجار تم نقلها على زلاجات كبيرة و اتشدت بالحبال، طبعا المشكلة الوحيدة ان مقاومة رمال الصحرا هتكون عائق كبير في حركة الزلاجات، لكن لاقوا بعض الرسومات على جدران المعابد لتمثال كبير (وزنه قد يكون اكبر من وزن الحجر) بيتنقل باستخدام التقنية دي، لكن بإضافة حاجة بسيطة، و هي المياه، لما الميا بتختلط مع رمال الصحرا ده بيقلل من مقاومتها لحركة الزلاجة و بتسهل الحركة بشكل كبير جدا، الدراسات لقيت ان الرمل لما يختلط بالميا الزلاجة بتطلب نص القوة الي كانت متطلباها قبل كده عشان تتحرك، فدي احدى النظريات في نقل الاحجار (في الصورة الي تحت، في شخص واقف  في مقدمة الزاجة و بيصب مياه على الرمل مع اتجاه الحركة)

3029961-inline-i-figure-2-wall-painting-from-the-tomb-of-djehutihotep (1) copy copy.JPG

من النظريات الي بتجاوب على السؤال التاني هي استخدام منظومة من الـ ramps او المنحدرات عشان الاحجار تطلع عليها برضو بالقوة البشرية، لكن النظرية صعب شوية لأن مجرد المنظومة دي بتطلب كمية مواد و قوة عشان تتصنع يمكن اكتر من الهرم ذات نفسه .. نظرية تانية بتقول ان الحجارة اترفعت باستخدام انفاق مايلة بيجري بداخلها مياه، بحيث فرق ضغط الميا بيسبب حركة الحجارة من تحت لفوق، و الفيديو ده بيشرح الطريقة دي بالتفصيل ..

التساؤل .. و الفضول
وارد يكون في نظريات كتير جدا غير دول، و وارد ان كل يوم يطلع نظرية جديدة، لكن الطريقة الاكيدة لبناء الهرم الاكبر لسه لحد دلوقت مش متُفق عليها، بعد مرور كل السنين دي، و دي من الحاجات الجميلة جدا، من مواضع البحث الي دايما بتحرك الناس و العلماء في كافة المجالات انهم يلاقوا حل للغز ده .. و الاهم انها بتدي حافز للحضارة الانسانية، لما تعرف ان الهرم الاعظم بدأ من مجرد مسطبة او عتبة، لحد ما وصل بالـ continuous improvement  للعظمة المعمارية الي حيرت و لا تزال تُحير العالم.
و كل ده بسبب شغف القائمين على المنشأت دي و رغبتهم في تخليد اسمهم للتاريخ ..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s